Mëlçia e yndyrshme (steatoza)

Mëlçia e yndyrshme (steatoza): Një kërcënim i heshtur që mund të parandalohet

Në stilin bashkëkohor të jetesës, mëlçia e yndyrshme po shfaqet gjithnjë e më shpesh – jo vetëm tek ata që konsumojnë alkool. Një numër në rritje i njerëzve, përfshirë edhe të rinjtë, diagnostikohen me sëmundjen joalkoolike të mëlçisë së yndyrshme (NAFLD), shpesh pa ndonjë simptomë të dukshme derisa të paraqiten komplikime serioze.

Çfarë është mëlçia e yndyrshme?

Steatoza paraqet grumbullimin e yndyrës në qelizat e mëlçisë – mbi 5% të peshës totale të këtij organi. Ekzistojnë dy forma kryesore:

• NAFLD (sëmundja joalkoolike e mëlçisë së yndyrshme) – më e zakonshme tek individët që nuk konsumojnë alkool, por kanë faktorë të tjerë rreziku.
• Steatoza alkoolike – rezultat i konsumit të tepërt të alkoolit.

Kjo gjendje shpesh kalon pa u vënë re, pasi simptomat e saj në fazat e hershme janë të pakta ose fare.

Cilat janë shkaqet më të shpeshta?

• Ushqimi i pashëndetshëm i pasur me sheqerna dhe yndyra të dëmshme
• Mungesa e aktivitetit fizik
• Mbi pesha ose obeziteti
• Diabeti tip 2 dhe rezistenca ndaj insulinës
• Konsum i tepruar i alkoolit

Cilat janë pasojat e mundshme?

Nëse nuk zbulohet dhe menaxhohet me kohë, steatoza mund të çojë në:

Steatohepatit – inflamacion i mëlçisë

Cirozë – dëmtim i pakthyeshëm i indeve të mëlçisë

Rritje të rrezikut për sëmundje kardiovaskulare dhe metabolike

Si të kujdeseni për shëndetin e mëlçisë?

Parandalimi dhe ndryshimet në stilin e jetesës janë thelbësore:

Zvogëloni konsumimin e ushqimeve të përpunuara, sheqernave dhe yndyrave trans

Konsumoni më shumë fruta, perime dhe drithëra integrale

Ruani indeksin e shëndetshëm të masës trupore

Bëhuni aktivë fizikisht – të paktën 30 minuta në ditë

Kufizoni ose shmangni konsumin e alkoolit

Kur është koha për konsultim mjekësor?

Edhe pa simptoma, mëlçia e yndyrshme mund të zbulohet përmes analizave laboratorike dhe ekografisë. Konsultohuni me mjekun nëse ndjeni:

• Lodhje të vazhdueshme
• Dhimbje ose ndjesi rëndese në pjesën e sipërme të djathtë të barkut
• Fryrje abdominale
• Rritje të enzimave të mëlçisë në analizat e gjakut

Gastroenterologu – për diagnozë, ndjekje dhe plan trajtimi

Nutricionisti – për plan individual të ushqimit dhe mbështetje gjatë përmirësimit të shëndetit

 e-medicine.mk Partneri juaj për shëndet digjital

Së shpejti, përmes platformës tonë online e-medicine.mk, do të mund të caktoni:

Konsultim me gastroenterolog

Plan ushqimor me nutricionist

Monitorim të analizave dhe këshilla pa pasur nevojë të dilni nga shtëpia

Na ndiqni për më shumë këshilla për parandalim, ushqim dhe kujdes digjital për shëndetin tuaj.

Merrni kontrollin e shëndetit tuaj – gjithçka fillon nga mëlçia.